Aholi muammolari oʻrganildi

“Adolat” sotsial-demokratik partiyasidan xalq deputatlari Ellikqalʼa tuman Kengashi deputati Kameliya Yuldashevaning tumandagi “Iqbol” mahalla fuqarolar yigʻinida yashovchi saylovchilar bilan uchrashuvi boʻlib oʻtdi.

Deputat dastlab ushbu hududda yashovchi kam taʼminlangan, ijtimoiy koʻmakka muhtoj   oilalarning holidan xabar olib, ularning turmush sharoiti bilan yaqindan tanishdi.

Bundan soʻng, fuqarolarning ijtimoiy yordam, elektr energiyasi, gaz, ichki yoʻllar masalalari boʻyicha murojaatlari tinglandi. Muddat talab qilinadigan muammolarni hal qilish boʻyicha mutasaddi tashkilot rahbarlariga deputatlik soʻrovi yuborilib, ularning ijrosi boʻyicha deputatlik nazoratga olinishi bildirildi.

“Adolat” SDP

Qoraqalpogʻiston Respublikasi kengashi Matbuot xizmati.