Asakalik Konstitutsiya bilimdonlari

Yoshlarning huquqiy bilimlarini oshirish, Bosh qonunimizni puxta oʻrganishlariga koʻmaklashish Oʻzbekiston “Adolat” SDPning oʻz oldiga qoʻygan asosiy vazifalaridan biri. Partiya tashabbusi bilan oʻquvchilar oʻrtasida har yili oʻtkazilayotgan “Konstitutsiya bilimdoni” koʻrik-tanlovi ham oʻz oldiga ayni shu maqsadni qoʻygan.

Yangilangan Konstitutsiyamizni qanchalik bilasiz? Bu yilgi koʻrik-tanlov ishtirokchilari oldiga shunday savol qoʻyildi. Partiyaning Asaka tuman kengashi tashabbusi bilan tashkil etilgan tadbir qatnashchilari bu borada faollik koʻrsatdilar. Savol-javob va sahna chiqishlarida oʻz bilimlarini sinovdan oʻtkazgan oʻquvchilar yuqori baholandi.

Har bir ishtirokchi Konstitutsiya bilimdoni sifatida eʼtirof etilsa-da ular orasida gʻoliblik 1-kasb-hunar maktabi oʻquvchisi Muslima Habibullayevaga nasib etdi.

“Adolat” SDP Andijon viloyati kengashi

Matbuot xizmati.