Ayol bir qoʻli bilan dunyoni tebratadi

Vatan kelajagi yoshlar qoʻlida” loyihasi doirasida “Adolat” SDP tomonidan hamkor tashkilotlar bilan birgalikda “Yangi Oʻzbekiston yoshlari – buyuk kelajak sari” mavzusida Fargʻona shahridagi Bozorboshi mahalla fuqarolar yigʻinida yoshlar bilan uchrashuvi tashkil etildi. Xalqimizning asriy qadriyatlari va urf- odatlarini oʻzida mujassam etgan samimiy muloqot mustaqil hayot ostonasiga qadam qoʻyayotgan har bir qizlarning jamiyatda oʻz oʻrinlarini topishlari, baxtli hayot kechirishlari uchun mustahkam bilim olishlari va zamonaviy kasb- korlarni puxta egallashlariga qaratildi.

Millat kelajagini tarbiyachisi boʻlgan onalar har tomonlama komil inson boʻlib kamol topishi har bir davrda dolzarb vazifa boʻlib kelgan, — deydi yuzma yuz muloqotda Adolat SDP Fargʻona viloyat Kengashi raisi va tajribali tadbirkor Shahnoza Gʻaniyeva oʻz hayotiy tajribalari haqida soʻz yuritar ekan.

Suhbat davomida yuzlab yoshlarning bandligini taʼminlab kelayotgan tadbirkor yosh qizlarga mehribon farzand, opa –singil va boʻlajak oila bekalari, onalik maqomiga erishganda ham saodatmand boʻlishlari uchun ilm-u –maʼrifat egasi boʻlishga intilishlari haqida zarur tavsiyalar berdi.

    “Adolat” SDP Fargʻona viloyat Kengashi Matbuot xizmati.