“Ayollar daftari”ga xotin-qizlar asosli kiritilyaptimi?

Partiyaning Fargʻona tuman Kengashi raisi N.Karimov, Xalq deputatlari tuman Kengashi deputatlari – O.Dadajonova, F.Mirzayev “Ayollar daftari”ga roʻyxatga olishning yakuniy bosqichlarini oʻrganish maqsadida tumanning “Yoyilma”, “Birdamlik”, “Qorasuv” MFYlarda boʻlib, mahalla raislari, xotin-qizlar faollari bilan uchrashdi.

Mazkur MFYlarda joriy yilining yanvar oyidan boshlab, ishchi guruhi tomonidan uyma-uy yurish orqali ijtimoiy himoyaga muhtoj, ishsiz, nogironligi bor, ehtiyojmand xotin-qizlar roʻyxati shakllantirilgan. Birgina “Birdamlik” MFYda yashovchi ayollar kesimida ularni qiynab kelayotgan muammolar atroflicha oʻrganilgan. Jumladan, Husnida Temirovaning sharoiti inobatga olingan holda tadbirkorlik qilishi uchun koʻmak beriladigan boʻldi.

Shuningdek, ijtimoiy yordamga muhtoj I va II guruh nogironligi boʻlgan, tezkor tibbiy muolajaga muhtoj xotin-qizlardan Umidaxon Sattorova, Muxayyo Oʻrinova ham asosli ravishda daftarga kiritilgan. Orzigul Haydarova, Maqsudaxon Mamaroʻziyevaning esa qarmogʻida nogironligi boʻlgan farzandi bor.

Hozirda ularga koʻrsatiladigan amaliy yordamlar prognozi va “Yoʻl xarita”si tayyorlanmoqda.

“Adolat” SDP Fargʻona viloyat Kengashi

Matbuot xizmati.