BAYRAM MUBORAK BOʻLSIN, AZIZ PARTIYADOSHLAR!

Qadrli partiyadoshlar!

Siz azizlarni Oʻzbekiston “Adolat” sotsial-demokratik partiyasi tashkil etilganligining 28 yilligi bilan samimiy tabriklaymiz!

Bugungi kunda Oʻzbekiston “Adolat” SDP oʻz safida minglab aʼzolarni birlashtirib mamlakat siyosiy maydonida oʻz mavqeyiga ega, siyosiy kuch sifatida tanildi. Partiya demokratik, ijtimoiy yoʻnaltirilgan va bozor iqtisodiyotiga asoslangan kuchli adolatli fuqarolik jamiyatini barpo etishda hamda Oʻzbekiston hududida yashayotgan barcha millat va elatlarning umumiy manfaatlariga mos keladigan, fuqarolarning qonun oldida tengligi, birdamligi, konstitutsiyaviy huquq va erkinliklari taʼminlangan maʼnaviy jipslashgan jamiyatni shakllantirishda faol ishtirok etmoqda.

Ayniqsa, Partiyamizning xalqimiz milliy anʼanalariga tayangan holda kuchli demokratik fuqarolik jamiyatini yaratish, millatlararo munosabatlarni mustahkamlash, doʻstlik va hamjihatlikni rivojlantirish, Oʻzbekistonning jahon miqyosida oʻz oʻrnini egallashi, dunyodagi ilgʻor davlatlar bilan xalqaro huquq talablari asosida oʻzaro manfaatli aloqalarini rivojlantirish yoʻlidagi saʼy-harakatlari tahsinga loyiqdir.

Bugun Partiyamizning tugʻilgan kunida tashkilotimizning bugungi obroʻ-eʼtiboriga sababchi boʻlayotgan partiyamiz aʼzolarini chin dildan muborakbod etamiz.

Qadrli doʻstlar, Barchamizga bayram muborak boʻlsin!

Hurmat bilan,

“Adolat” SDP Siyosiy Kengashi