Bayramni munosib kutib olamiz…

Har bir oʻtayotgan lahzalar, kunlar barchamizni davlatimiz mustaqilligining 32 yillik shodiyonasi sari yaqinlashtirmoqda. Hurlik va ozodlikning oʻzbek eliga bergan imkoniyatlari cheksiz. Eng avvalo, asriy qadriyatlarimiz oʻzligimizga qaytdi, hunarmandchiligimiz rivojlanishi uchun keng imkoniyatlar yaratildi, tadbirkorlik faoliyati rivoji esa dunyo eʼtirofiga sazovor boʻldi, oʻzbek ishbilarmonlari bugun dunyodagi yetakchi kompaniyalar bilan iqtisodiy aloqalar oʻrnatgan holda, oʻzbek brendini dunyoga tanitib, sanoat va qishloq xoʻjaligi mahsulotlari eksport salohiyati yil sayin ortib bormoqda. Mamlakatimiz qudratini yuksalishi esa albatta tinchliksevar elimizning jasorati va fidoiyligi bilan mushtarak.

Xalq deputatlari Fargʻona tuman Kengashi deputati A.Erkaboev mamlakatimiz mustaqilligining 32 yilligi bayrami arafasida “Yangi hayot uchun, Yangi Oʻzbekiston uchun!” degan bosh gʻoyani oʻzida mujassam etgan maʼnaviy uchrashuvda istiqlolimizning xalqimizga bergan ulugʻvor saodati haqida soʻz yuritdi.

“Oqbilol” va “Yangiobod” MFYlarida saylovchilar bilan xonadonma-xonadon yurib,ehtiyojmand oila vakillari bilan suhbatlashib, ularni qiynab kelayotgan muammolarni oʻrgandi va hal etish choralarini belgiladi.

“Har bir kun – bu imkoniyat, har bir kun – bu kelajak uchun poydevor” degan hayotiy shiorning mohiyati zamirida ham shunday mazmun mujassamki, agarki, barchamiz birlashib, yagona maqsad sari harakat qilsak vatanimiz kelajagi bundan-da yorqin boʻladi.

“Adolat”SDP

Farg’ona viloyat kengashi Matbuot xizmati.