Bir murojaat izidan…

Fargʻona shahar Nuroniylar koʻchasida istiqomat qiluvchi fuqaro Z.N.ning murojaati yuzasidan 110-sonli Fargʻona tumanlararo tibbiy-ijtimoiy ekspert komissiyasi raisi U.Nishonov bilan uchrashdim.

Uchrashuvda Z.N.ning qizi Z.Z. ni tibbiy-ijtimoiy ekspertizadan oʻtkazilganligi toʻgʻrisidagi xulosa, uning mehnatga layoqatini yoʻqotganlik darajasi va boshqa holatlar yuzasidan suhbatlashdik.

Fuqaro Z.N.ning aytishicha, qizi Z.Z. II guruh nogironligi boʻlgan shaxs deb topilishi kerak edi. Biroq, unday boʻlmadi. Ekspert komissiyasi raisi U.Nishonovning taʼkidlashicha, fuqaro Z.Z. qonunchilikda belgilangan tartibda tibbiyot muassasalarida davolanib chiqqandan soʻng, uni III guruh nogironligi boʻlgan shaxs deb topilishi mumkin ekan.

Yuqoridagi holat yuzasidan masʼul mansabdor shaxsga Deputat soʻrovini yubordim. Yakuniy xulosani esa, soʻrovga kelgan javobdan bilib olamiz.

Bunyod Axmadaliyev,

Xalq deputatlari Farg’ona shahar kengashi deputati.