Deputat­- oila mustahkamligi yoʻlida

Xalq deputatlari Mirishkor tuman Kengashi deputati Sarvinoz Abdullayeva mamlakatimiz Prezidentining “Yangi tahrirdagi Oʻzbekiston Respublikasi Konstitutsiyasini amalga oshirish boʻyicha birinchi navbatdagi chora tadbirlar toʻgʻrisida” gi Farmonini aholi oʻrtasida keng targʻib etyapti. Deputat oʻzi saylangan hudud saylovchilarini nafaqat iqtisodiy, ijtimoiy tomonlama balki maʼnaviy jihatdan ham qoʻllab-quvvatlab kelyapti. Notinch oilalardagi oʻzaro kelishmovchiliklarni azaliy urf-odatlarimiz va odob-axloq normalari bilan hal qilishga erishmoqda. Ayni paytda Yangi Jeynov MFYda 3 ta ajrim yoqasidagi oilalar boʻlib, deputat tashabbusi bilan ular bilan ishlashning maqsadli dasturi tuzildi. Muammoli oila ayollari bilan “Ayollar maslahat Kengashi” aʼzolari profilaktik suhbatlar oʻtkazib, kuni kecha bitta oila yarashtirildi. Qolgan 2 ta notinch oilani ham yarashtirish choralari koʻrilyapti.

To‘lkin Xidirov, partiya faoli