Deputat soʻrovi: Koʻchaga svetofor oʻrnatildi

Fargʻona tumanidagi “Obod” MFY hududida joylashgan 3-umumtaʼlim maktabiga eltuvchi yoʻl serqatnov. Shuning uchun oʻquvchilarning maktabga borib-kelishlari ota-onalarni qattiq xavotirga soladi. Bolalar xavfsizligini taʼminlash uchun svetofor oʻrnatilishi kerak.

Xalq deputatlari Fargʻona tuman Kengashi deputati Nazirjon Isaqov mazkur masala yuzasidan tuman IIB boshligʻi nomiga deputat soʻrovi yubordi. Qolaversa, xalq deputatlari tuman Kengashining joriy yildagi 67-sessiyasida tuman hokimi X.Inomovga fuqarolar xavfsizligini taʼminlash maqsadida “Obod” MFY hududidagi 3-sonli umumtaʼlim maktabiga olib boruvchi asosiy yoʻlga svetofor oʻrnatilishida amaliy yordam berishi toʻgʻrisidagi murojaati oʻz natijasini berdi.

Koʻchaga svetofor oʻrnatildi.

“Аdolat” SDP Fargʼona viloyat Kengashi

Matbuot xizmati.