Deputat soʻrovidan soʻng koʻchalarga yoʻl belgilari oʻrnatiladigan boʻldi

Fargʻona shahar “Guliston” MFY aholisi asosiy koʻchalarda yoʻl belgilari mavjud emasligi yuzasidan xalq deputatlari Fargʻona shahar Kengashi deputati Bunyod Ahmadaliyevga murojaat qilgan edi.

Deputat tomonidan hudud oʻrganilganda R.Qosimov va J.Manguberdi koʻchalarining kesishmasiga 2.1. “Asosiy yol” belgisi oʻrnatilmaganligi maʼlum boʻldi. J.Manguberdi koʻchasidagi 23-maktabgacha taʼlim tashkiloti serqatnov avtomobil yoʻlida joylashgan boʻlib, bu yerda 1.21. “Bolalar”, 3.24. eng yuqori harakatlanish tezligi hamda 5.16.2. “Piyodalar oʻtish joyi” belgilari mavjud emas.

Ushbu holatni bartaraf etish yuzasidan deputat tomonidan mutasaddi tashkilotlarga deputat soʻrovi chiqarildi. IIO FMB Yoʻl harakati xavfsizligi boshqarmasi vakillari hududga kelib, mavjud vaziyatni koʻzdan kechirdi. Amalga oshirilishi lozim boʻlgan ishlar kelishib olindi.

“Аdolat” SDP Fargʻona viloyat Kengashi
Matbuot xizmati.