Deputat “Yashil makon” dasturi doirasida koʻchat ekdi

Bahor kirib kelishi bilan insonlar tabiati ham shunga hamohang tarzda oʻzgara boshlaydi. Qalblarda oʻzgacha his, dimogʻlarga yoqimli bahor isi hush yoqadi. Oʻz navbatida yangilanish fasli xalq noiblari — deputatlarni ham xalq uchun manfaatli harakatlarga chogʻlaydi. Xususan, yaqinda “Sayram” okrugidan saylangan Xalq deputatlari Mirzo Ulugʻbek tuman Kengashi deputati Shomahmudov Shoanvar Shomuxtarovich tomonidan “Boʻz” mahallasi fuqarolarining murojaati tinglandi.

Murojaat boʻyicha “Obod mahalla” dasturi asosida amalga oshirilgan ishlar holati oʻrganildi. Bajarilishi lozim boʻlgan qoʻshimcha ishlar belgilandi.

Shuningdek, okrugdagi “Sayram” mahallasida “Yashil makon” dasturi boʻyicha obodonlashtirish va koʻkalamzorlashtirish ishlari amalga oshirildi. Turli manzarali va mevali koʻchatlar ekildi. Yon-atrof oʻt-oʻlan va xazon barglaridan tozalandi.

Mehriniso Yakubova,

“Adolat” SDP Toshkent shahar Kengashi matbuot kotibi.