Deputatimiz oliy taʼlim muassasasining faoliyati, moddiy-texnik baza bilan taʼminlanganlik darajasi, oʻquv jarayonlarining borishini yaqindan oʻrgandi

Oʻzbekiston Respublikasi Oliy Majlis Qonunchilik palatasi deputati Oydin Abdullayeva ishtirokida Oʻzbekiston davlat konservatoriyasining Nukus filiali talabalari hamda professor-oʻqituvchilari uchun ijodiy uchrashuv va mahorat darslarini tashkil etildi.

Tadbir doirasida deputatimiz oliy taʼlim muassasasining faoliyati, moddiy-texnik baza bilan taʼminlanganlik darajasi, oʻquv jarayonlarining borishi bilan yaqindan tanishib, konservatoriyaning Nukus filiali uchun qurilayotgan binoni ham borib koʻrdi.

Shuningdek, Nukusda barpo etilgan yosh operachi xonandalar va baxshilar maktabining faoliyati ham oʻrganildi. Jarayonda konsert namoyish etilib, oʻquvchilar bilan ijodiy muloqot tashkillashtirildi.

Tashrif soʻnggida deputat O.Abdullayeva Oʻzbekiston davlat sanʼat va madaniyat institutining Nukus filialini borib koʻrdi, faoliyati bilan tanishib, professor-oʻqituvchilar bilan suhbatlashdi va ularga oʻz tavsiyalarini berdi.