Deputatlar oʻrganish ishlarini olib bormoqda

Oʻzbekiston “Adolat” sotsial-demokratik partiyasining Qoraqalpogʻiston Respublikasi Kengashi faollari va xalq deputatlari mahalliy Kengashlardagi deputatlar tomonidan respublikamizning barcha tumanlaridagi umum taʼlim maktablarida oʻrganish ishlarini olib bormoqda.

Belgilangan savolnoma asosida olib borilayotgan ushbu tadbirda asosan, pedagog xodimlarni ularning kasbiy faoliyati bilan bogʻlik boʻlmagan ishlarga jalb qilish holatlari, ayniqsa, xodimlarning mahallalardagi obodonlashtirish hamda koʻkalamzorlashtirish, mavsumiy qishloq xoʻjaligi, ommaviy tadbirlar oldidan tayyorgarlik boʻyicha olib boriladigan, shuningdek, qurilishdan keyingi tozalash ishlariga jalb etish holatlari oʻrganilmoqda.

Oʻrganish jarayonida aniqlangan kamchiliklarni bartaraf etish yuzasidan chora tadbirlar belgilab olinmoqda.

“Adolat”SDP

Qoraqalpogʻiston Respublikasi kengashi Matbuot xizmati.