Deputatning soʻrovlari natijasida ijtimoiy obyektlar qurildi

Oliy Majlis Qonunchilik palatasi deputatlari joriy yilning 23-25-fevral kunlari oʻz saylov okruglarida boʻlib, aholi bandligini taʼminlash, yangi ish oʻrinlari yaratish hamda ijtimoiy soha inshootlari qurilishlarining sifati borasidagi amalga oshirilayotgan ishlar bilan tanishdilar. Oliy Majlis Qonunchilik palatasi deputati Nodira Djanibekova Yangiyer shahridagi “Yangi Oʻzbekiston” massivida amalga oshirilayotgan qurilish ishlari bilan tanishdi. Oʻzbekiston Prezidentining Qarori asosida Yangiyer shahrida 16 gektar yer maydonida Yangi Oʻzbekiston massivida tashabbuskor tadbirkorlar tomonidan bank krediti evaziga jami 50 ta 5 qavatli 1000 ta xonadonga moʻljallangan turar joy binolari barpo etilmoqda. Qurilish ishlarining sifati tegishli tashkilotlar tomonidan nazoratga olingan.

Yangi Oʻzbekiston massivida joriy yilda 20 ta 400 ta xonadonga moʻljallangan turar joy xonadonlari foydalanishga topshiriladi. 2-boskichda xam 400 ta xonadon uyli boʻladi 2024-iylda yana 200 ta xonadonga uy-joy kalitlari topshiriladi. Eʼtiborli jihati shundaki, uylarning pastki qavatidagi xonadonlar ijtimoiy uy sifatida shahar hokimiyati balansida boʻladi. Ushbu uylarga bugungi kunda ogʻir vaziyatga tushgan oilalar joylashtiriladi va ulardan uyda yashaganligi uchun ijara haqi olinmaydi.

Shuningdek, hududda 990 oʻrinli umumiy oʻrta taʼlim maktabi, 100 nafar qatnovga moʻljallangan poliklinika, 25 oʻrinli mehmonxona, maishiy xizmat koʻrsatish majmualari va dehqon bozori foydalanishga topshiriladi. Eng muhimi, qurilish bunyodkorlik ishlarida 500 nafardan ziyod mahalliy aholi vakillarining bandligi taʼminlandi. Ayni kunlarda ushbu uy joylarni xarid qilishga talabgor boʻlgan 1700 ta oilaning roʻyxati shakllantirilib, dastlabki badalining 10 foizini qoplash uchun 150 ta xonadonga 16 milliard soʻmdan ziyod subsidiyalar ajratildi.

Oliy Majlis Qonunchilik palatasi deputati Davlat byudjeti hisobidan barpo etilayotgan yoki mukammal taʼmirdan chiqarilayotgan qurilish inshootlari sifati bilan tanishish maqsadida qator ijtimoiy soha inshootlarida boʻldi. Yangiyer shahar aniq fanlarga ixtisoslashgan maktabda 3 milliard 800 mln soʻmlik mukammal taʼmirlash ishlari amalga oshirilgach, taʼlim maskani yangicha qiyofa kasb etdi. Qoʻshimcha sinfxonalari barpo etildi. Taʼmirlash ishlari nihoyasiga etmoqda.

Z. M. Bobur nomidagi ushbu mahallada barpo etilayotgan suv inshooti qurilishiga 305 mln soʻm mablagʻ sarflandi. Suv inshooti ishga tushgach 5 ming nafar aholining ichimlik suviga boʻlgan ehtiyoji yana

Xovos tumanida ham ijtimoiy soha inshootlari qurilishi koʻlami kengaymoqda. Uch yil oldin deputat N. Djanibekova saylovchilar bilan muloqot qilganida Sharqobod mahallasida yashaydigan bolalar 5 km uzoqlikdagi maktabga qatnayotganligi va Qayirma mahallasida kichik yoshdagi bolalarga davlat maktabgacha muassasasi yoʻqligi aniqlandi. Muammoni yechimi boʻyicha deputatning qilgan soʻrovlari natijasida Qayirma mahallasida barpo etilayotgan 80- oʻrinli maktabgacha taʼlim tashkiloti qurilishi ham nihoyasiga yetmoqda. “Sharqobod” mahallasidagi foydalanishga topshirilgan 500-oʻrinli 31-umumiy oʻrta taʼlim maktabida taʼlim- tarbiya jarayoni ham boshlandi.