Elim-yurtim degan deputatlarimiz

Adolat bor joyda- taraqqiyot bor. Yangihayotliklar Oʻzbekiston tumani Kengashi deputati, “Adolat” SDP tuman Kengashi raisi Muttar Homidovani “Bizni fidoiy qizimiz” deb  e'zozlashadi. Hamisha xalq dardi bilan yashovchi Muattar opa saʼy-harakati tufayli mahallada koʻplab xayrli ishlar amalga oshirib kelinyapti.  Ayniqsa, joriy yilda tashabbusli byudjet loyihasi asosida 3 loyihada muvaffaqiyatga erishildi. 2 ta qishloqda  har biri 1 milyard  ikki yuz million soʻmlikdan  2 ta loyiha asosida jami 6 kilometrlik masofalarda tuman yoʻl qurilishi boshqarmasi mutaxassislari tomonidan asfaltlashtirish ishlari olib borilyapti.  Bu ezgu ishlarning sifatli bajarilishi esa kunning qizigʻiga qaramay deputat tomonidan doimiy nazorat qilib borilyapti.

Shuningdek, Prezidentimizning  2022-2023  yillarda  mahallalarda infratuzilmasini yanada yaxshilash  boʻyicha chora –tadbirlar toʻgʻrisida”gi  qaroriga koʻra,   5.7 kilometr    mahalladagi  aholi xonadonlariga toza ichimlik suvi uchun quvurlarni tortish ishlari ham tizimli olib borilyapti.   

Muattar Homidovaga mahalla aholisi tomonidan qilingan murojaatlarning yana biri hududdagi 35- umumtaʼlim maktabiga  qoʻshimcha bino  qurish  istagi edi. 

“Tashabbusli byudjet” loyihasi doirasida  mahalliy aholi bilan qilingan saʼy-harakatlar oʻz natijasini berdi. 3 - loyiha asosida tez kunlarda yosh avlodni sifatli taʼlim olishi uchun maktabda qoʻshimcha bino qurilishi ham boshlanish arafasida.

                                                                    “Adolat” SDP

Farg’ona viloyat kengashi Matbuot xizmati.