Ertamiz egalarining kelajagi yoʻlida...

Xalq deputatlari Quva tuman Kengashidagi “Adolat” SDP deputatlik guruhi tomonidan xalq taʼlimi, yoshlar ishlari agentligi boʻlimi rahbarlari va masʼul xodimlari ishtirokida mansabdor shaxs eshituvi oʻtkazildi. Partiyaning “Fikr – Gʻoya – Harakat” loyihasi doirasida tuman xalq taʼlimi boʻlimi mudiri oʻrinbosari M.Yunusov, yoshlar ishlari agentligi rahbari U.Solijonovning “Vatan tayanchi” bolalar va oʻsmirlar harbiy-vatanparvarlik harakati faoliyati yuzasidan hisobotlari tinglandi.

Eshitish doirasida tumanda amalga oshirilgan ishlar hamda eʼtibor qaratish kerak boʻlgan masalalar atroflicha muhokama qilindi. Belgilangan kamchiliklar va bildirilgan takliflar yuzasidan yuqori turuvchi tashkilotlarga taqdimnomalar kiritish belgilandi.

Xalq deputatlari Oltiariq tuman Kengashidagi “Adolat” SDP deputatlik guruhi tomonidan oʻtkazilgan mansabdor shaxs eshituvida tuman mudofaa ishlari boʻlimi qoshidagi “Vatan tayanchi” bolalar va oʻsmirlar harbiy-vatanparvarlik harakati boshligʻi A.Zaitov hisoboti tinglandi.

Prezidentimizning 2022-yil 2-martdagi “Vatan tayanchi” bolalar va oʻsmirlar harbiy-vatanparvarlik harakati faoliyatini tashkil etish toʻgʻrisida”gi Qaroriga asosan tumandagi 46 ta umumtaʼlim maktablarida 10-sinfdan 10 nafar va 11-sinfdan 10 nafar oʻquvchilar jami 946 nafar “Vatan tayanchi” otryadi aʼzolari tashkil qilingan, – deydi A.Zaitov. – Ularga kerakli sharoitlar yaratilib, hamkor tashkilotlar bilan birgalikda bilim va koʻnikmalarini oshirishga qaratilgan tadbirlar rejasi ishlab chiqilgan.

“Adolat” SDP Fargʻona viloyat Kengashi

Matbuot xizmati.