Faol yoshlar hayotidagi muhim jarayon

“Adolat” SDP Qoʻqon shahar Kengashi raisi A.Ahmadjonov Qoʻqon davlat pedagogika instituti oʻzbek tili va adabiyoti fakultetining 2 va 3-bosqich talabalari ishtirokida Oliy Majlis Qonunchilik palatasi huzuridagi Yoshlar parlamentiga boʻlib oʻtadigan saylovlar yuzasidan targʻibot uchrashuvi oʻtkazdi. Davra suhbati davomida belgilangan Nizom asosida saylov jarayonining oʻtkazilishi, nomzodlarga qoʻyilayotgan talablar xususida soʻz yuritildi. Bu jarayonning yoshlarimiz uchun qanchalik muhimligi tushuntirildi. Yoshlarni qiziqtirgan savollarga javob berildi.

– Ayni kunlarda Yoshlar parlamenti aʼzoligiga boʻlib oʻtadigan saylovga koʻplab yoshlarimiz qiziqish bildirmoqda, – deydi Kengash raisi. – Ular partiya aʼzoligiga qabul qilinib, partiya Nizomi hamda Saylovoldi dasturi bilan tanishtirilmoqda. Dostonbek Abduvaliyev ham tashabbuskor, iqtidorli, koʻplab yutuqlarga erishgan yoshlardan biri. U hozirda Beshariq tumanida yoshlar yetakchisi vazifasida faoliyat olib bormoqda. Maqsadi qishloq yoshlari oʻrtasida mavjud koʻplab muammolarni bartaraf etishga hissa qoʻshish, qonun ijodkorligida oʻz taklif va tashabbuslari bilan ishtirok etishdir.

“Adolat” SDP Fargʻona viloyat Kengashi
matbuot xizmati.