Faollik koʼrsatgan deputatlarga faxriy yorliq topshirildi

Xalq deputatlari Qoʼshtepa tuman Kengashidagi “Adolat” SDP deputatlik guruhi tomonidan viloyat Kengashi rahbari v.b Sh.Egamov ishtirokida tuman mudofaa ishlari boʼlimi qoshidagi «Vatan tayanchi» bolalar va oʼsmirlar harbiy-vatanparvarlik harakatiga masʼullar, shuningdek sohaga dahldor xalq taʼlimi, yoshlar ishlari agentligi boʼlimi rahbarlari va masʼul xodimlari ishtirokida mansabdor shaxs eshituvi oʼtkazildi.

Eshituv doirasida tumanda amalga oshirilgan ishlar hisoboti hamda ahamiyat berilishi kerak boʼlgan masalalar muhokama qilindi. Belgilangan kamchliklar va bildirilgan takliflar yuzasidan chora-tadbirlar belgilandi.

Partiya loyihasi doirasida zilziladan jabr kurgan turk qardoshlar uchun 9-12-fevral kunlari tashkillangan hayriya tadbirida faol ishtirok etgan Xalq deputatlari Qo'shtepa tuman Kengashidagi partiya deputatlariga viloyat Kengashining «Tashakkurnoma»lari topshirildi.

 Xalq deputatlari Soʼx tuman Kengashidagi “Adolat” SDP deputatlik guruhi tomonidan partiyaning “Fikr – Gʼoya – Harakat” loyihasi doirasida oʼtkazilgan mansabdor shaxs eshituvida tumandagi 32 ta maktabda “Vatan tayanchi” otryadi harakati tashkil etilganligi va 634 nafar yoshlar qamrab olinganligi maʼlum boʼldi. Tuman xalq taʼlimi boʼlimi mudiri oʼrinbosari Foziljon Mirzoev, yoshlar ishlari agentligi rahbari Dodobek Muqimov, tuman mudofaa ishlari boʼlimi maʼsul xodimi Rasuljon Muhiddinovlarning faoliyat yuzasidan xisoboti tinglandi.

 Hisobot yuzasidan deputatlar oʼzlarini qiziqtirgan savollarga javob olib, takliflarini bildirdilar.

 “Аdolat” SDP Fargʼona viloyat Kengashi

Matbuot xizmati.