Farzandlar taqdiriga befarq boʻlmaylik!

Mamlakatimizda xotin-qizlar va bolalar huquqlari, erkinliklari hamda qonuniy manfaatlarini tazyiq va zoʻravonlikdan ishonchli himoya qilishning institutsional hamda huquqiy asoslarini tubdan takomillashtirishga, bolalar orasida nazoratsizlikning va ular tomonidan huquqbuzarliklar sodir etilishining oldini olishga, shuningdek nogironligi boʻlgan bolalarni hamda ota-ona qaramogʻidan mahrum boʻlgan bolalarni davlat tomonidan qoʻllab-quvvatlashga qaratilgan keng koʻlamli ishlar amalga oshirilmoqda.

Oʻzbekiston Respublikasi Oliy Majlisi Senatining Xotin-qizlar va gender tenglik masalalari qoʻmitasi aʼzosi Maʼrufova Gulnora Maxmudovna, Xalq deputatlari viloyat Kengashining Xotin qizlar va gender tenglik masalalari boʻyicha doimiy komissiyasi raisi D.Mehmonovalar bu borada Quvasoy shahrida olib borilayotgan ishlar bilan atroflicha tanishdilar.

Shu bilan birga Oʻzbekiston Respublikasi Prezidenti Shavkat Mirziyoyevning 2023 yil 28 iyul kuni Fargʻona shahrida “Hududlarda huquqbuzarliklarning oldini olish va jinoyatchilikka qarshi kurashish borasidagi ustuvor vazifalar” yuzasidan oʻtkazilgan videoselektor yigʻilishida bergan topshiriqlari ijrosini taʼminlash hamda oila va xotin-qizlar sohasida Quvasoy shahrida 2023 yilning avgust, oktyabr oylarida amalga oshiriladigan chora-tadbirlar yuzasidan belgilangan dasturiy rejalar bilan tanishib, tahlil etar ekanlar, bir qator zarur tavsiyalarni berdilar.

“Adolat” SDP

Farg’ona viloyat kengashi Matbuot xizmati.