Fuqarolarning bandligi taʼminlandi

Aholi bandligini taʼminlash Oʻzbekiston “Adolat” SDPning asosiy maqsadlaridan biri. Asakalik safdoshlarimiz partiyaning “Muammo bilan yuzma yuz” loyihasi doirasida fuqarolar bilan muloqotlar davomida bu masalaga alohida eʼtibor qaratayotgani bejiz emas. Ish bilan band fuqaroning faolligi oshadi, har qanday muammoning yechimiga yoʻl topadi.

Partiya faollaridan iborat ishchi guruhi aʼzolari tumandagi “Kamolot” MFYda oʻrganish chogʻida vaqtincha ishsiz fuqarolar bilan uchrashdilar. Jumladan, Azizbek Dadajonov va Xayrulla Turdiyev ishsizligi, oila boquvchisi boʻlganliklari sabab ish topishda qiynalayotganliklarini bildirdilar. Ishchi guruhi aʼzolari shu kunning oʻzida masʼul idoralarga chiqdilar. Natijada A.Dadajonov xususiy sektorga, X.Turdiyev tuman Obodonlashtirish boʻlimiga ishga joylashtirildi.

Har ikki fuqaro va ularning oila aʼzolari “adolatchi”lardan xursand.

“Adolat” SDP Andijon viloyat kengashi

Matbuot xizmati.