"Global Textile Infinity"da konsitutsiya targ‘iboti

“Adolat” SDPning «Siyosiy-huquqiy bilimlarni mustahkamlash demokratik jamiyat poydevori” loyihasi doirasida partiyaning Farg‘ona viloyat Kengash raisi o‘rinbosari Sh.Egamov tomonidan targ‘ibot tadbiri o‘tkazildi. Unda xalq deputatlari Qo‘shtepa tuman Kengashi deputatlari – B.Ahmadjonov, D.Mirzayeva, A.Ahmadjonov, I.Qosimjonov ishtirok etdi.

"Global Textile Infinity" masʼuliyati cheklangan jamiyati qo‘shma korxonasida bo‘lib o‘tgan tadbirda korxona ishchi-xodimlariga davlatimiz bosh qonunining mazmun-mohiyati tushuntirilib, yangilanish sabablari, davlatning ijtimoiy sohadagi majburiyatlari bilan bog‘liq Konstitutsiyadagi normalar  uch barobar ko‘paytirilganligi taʼkidlandi. Ularni qiziqtirgan savollarga batafsil javob berildi.

–       Yangilanayotgan bosh qomusimizda har kimning mehnati uchun hech qanday kamsitishlarsiz hamda mehnatga haq to‘lashning belgilangan eng kam miqdoridan kam bo‘lmagan tarzda adolatli haq olish huquqi kafolatlanmoqda. Mazkur norma fuqarolarning ish haqlari miqdori shunchaki emas, aynan ularning munosib turmush kechirishini taʼminlashda, turmush darajasini yaxshilashda va ijtimoiy adolatni taʼminlashda muhim ahamiyatga ega, – deydi Sh.Egamov.

Shuningdek, korxonada partiya aʼzolari shakllantirilib, BPT tuzishga erishildi va partiyaning esdalik sovg‘alari topshirildi.

 “Adolat” SDP Farg‘ona viloyat Kengashi Matbuot xizmati.