Gumanitar yordamga soʻxlik deputatlar ham hissa qoʻshdilar

Turkiya davlatida roʻy bergan baxtsiz hodisa tufayli talofat koʻrgan hududlarga mamlakatimiz tomonidan insonparvarlik yordami koʻrsatilmoqda. Аalbatta, bu jarayonda koʻplab saxovatli insonlar, tadbirkorlar ishtirok etmoqdalar. Turkiyaga yuboriladigan insonparvarlik yordami uchun zarur mahsulotlar roʻyxatiga kiritilgan bolalar va kattalar uchun qishki kiyimlar, chodir, yotoq, isitish vositalari, generatorlar, chidamli oziq-ovqat konservalari, chaqaloqlar boʻtqasi va tagliklari, tozalash va gigiyena vositalari jamlanmoqda.

“Аdolat” SDP Fargʻona viloyat Kengashi raisi v.b Sh.Egamov boshchiligida Xalq deputatlari Qoʻshtepa tuman Kengashi deputatlari, jumladan, deputat “Margʻilon saxovati” xayriya guruhi taʼsischisi A.Ahmadjonov tomonidan boshlangan xayrli ishga Xalq deputatlari Soʻx tuman Kengashi deputatlari ham qoʻshildilar.

– Turk qardoshlarimiz uchun amalga oshirilayotgan xayrli ishga nafaqat men balki mahalladoshlarim ham oshiqishdi, – deydi S.Nishonov. – “Hazrati Аli” MFY aholisi issiq kiyim-kechak, yotoq vositalarini jamlab, yetkazishimni bildirishdi.

Toʻplangan insonparvarlik yordamini belgilangan manzilga yuborish uchun zarur mablagʻ ham toʻplandi. Olis manzildagi qardoshlarimizning biriga boʻlsa ham koʻmak bera olsak bizning hamdardligimiz, mehrimizni his qila olsa niyatimizga yetgan boʻlamiz.

“Аdolat” SDP Fargʻona viloyat Kengashi

Мatbuot xizmati.