Har bir inson davlat va jamiyat himoyasida

Yangi Oʻzbekistonning Yangi Konstitutsiyasi bugun xalqimizning qadrini yanada yuksaltirishga xizmat qiladi, deya ishonch bilan ayta olamiz. Soʻnggi yillarda amalga oshirilayotgan islohotlarning oliysi boʻlgan yangi tahrirdagi Konstitutsiyaviy qonun loyihasi oʻzida inson huquqlari, demokratiya, erkinlik, barqarorlik va taraqqiyot tamoyillarini ifoda etadi. Targʻibot tadbirlarida vatandoshlarimizning qalbidagi orzu-istaklarni mujassam etganligi bilan xalqni yagona maqsad sari birlashtirmoqda.

Fargʻona viloyat yuridik texnikumida “Adolat” SDP viloyat Kengashi rahbarlari va Oliy Majlis Senati aʼzolari ishtirokidagi yana bir tadbir ham ishtirokchilarning quvonchli iqrorlari bilan boshlandi. Senat aʼzosi Manzura Salimova ijtimoiy himoya, taʼlim, oila, fuqarolarning shaxsiy, ijtimoiy-iqtisodiy hamda siyosiy huquqlari, advokatura, mahalliy boshqaruv kabi eng muhim hayotiy qadriyatlarni oʻzida mujassamlashtirgan yangi Konstitutsiyaviy qonun loyihasining 155 ta moddasi xalq farovonligi va mamlakat taraqqiyotiga xizmat qilishini taʼkidladi. “Adolat” SDP viloyat Kengashi raisi Shahnoza Gʻaniyeva va shahar Kengashi deputati Bunyod Ahmadaliyevlar aynan yangi Konstitutsiyaviy qonun loyihasida mamlakatimizni ijtimoiy davlat sifatida belgilangani, insonga eʼtibor hamda gʻamxoʻrlik davlat va jamiyatning eng asosiy vazifasi ekanligiga alohida eʼtibor qaratdilar.

Yangi qonun loyihasi albatta, har bir oʻzbekistonlikning baxt-u saodatiga, yurtidan, hayotidan mamnun boʻlib yashashga xizmat qiladi. Qonun loyihasidan oʻrin olgan kambagʻallikni qisqartirish, har bir fuqaro uy-joyga ega boʻlishi va hech kim sud qarorisiz uni uy-joyidan mahrum etilishi mumkin emasligi va aholini kafolatlangan bepul tibbiy xizmatlardan foydalanishi kabi kiritilgan normalar har bir vatandoshimizni oʻz kelajagiga befarq boʻlmasligiga undaydi.

Tadbir davomida boʻlib oʻtgan savol-javoblar barchani referendum kuni birlashishga va yurt taraqqiyoti va har bir inson oʻz kelajagi uchun ovoz berishga daʼvat etadi.

“Adolat” SDP Fargʻona viloyat Kengashi
matbuot xizmati.