Har bir murojaat eʼtiborda

Bugun Prezidentimiz tomonidan har qanday murojaatga eʼtibor qaratish lozimligi taʼkidlanmoqda. Pastdargʻom tumanida Oʻzbekiston Respublikasi Oliy Majlisi Qonunchilik palatasi deputati Muzaffara Abdiyeva hamda xalq deputatlari Samarqand viloyati Kengashi deputati Inobat Boboqulova ishtirokida boʻlib oʻtgan navbatdagi sayyor qabul ushbu gʻoyaning amaliy ifodasi sifatida xizmat qiladi.

Deputatlar har bir murojaatga alohida yondashishdi. Zero, bugun barcha darajadagi davlat idoralarida murojaatlar bilan ishlash, odamlarni tinglash, muammolarini hal etish birinchi darajali masalaga aylandi. Odamlarda adolatga, qonun ustuvorligiga ishonch ortdi. Eng muhimi, yurtdoshlarimizda yon-atrofidagi muammolarga, ijtimoiy jarayonlarga nisbatan daxldorlik tuygʻusi kuchaydi. Lekin, shu bilan birga, qonunlarning mukammal ishlashi, shaxs, jamiyat va davlat orasidagi munosabatlar toʻla roʻyobga chiqishi, soddaroq aytganda, islohotlar hayotimizda oʻz ifodasini topishi uchun har bir fuqaroda yuksak madaniyat shakllangan boʻlishi zarur.

Alisher TOʻXTAYEV,
jurnalist.