Har dilda istiqlol shukuhi

Ayni kunlarda yurtimizning har bir goʻshasida bayram- Mustaqilligimizning 32 yilligi keng tantana qilinmoqda. Bu fuqarolarning Mustaqilligimizga, tinchlik va erkinlik hukm surayotgan Oʻzbekistonimizga boʻlgan hurmatining ifodasidir.

“Adolat” SDP Paxtaobod tuman kengashi tomonidan tumandagi Guliston MFYda joylashgan 3-MTTda oʻtkazilgan “Mustaqillik-buyuk neʼmat” deya nomlangan tadbir ham ayni shu mavzuga bagʻishlandi. Unda soʻz olganlar Mustaqillik yillarida erishgan yutuqlarimiz, ozod va obod yurtda yashash baxti va istiqlol bergan imkoniyatlar haqida faxr bilan gapirdilar. Sahnalashtirilgan tomoshalarda hur Oʻzbekistonning buguni va kelajagi oʻz ifodasini topdi.

“Adolat” SDP tuman kengashi tomonidan tashkil etilgan “Mening huquqim va baxtim” mavzusidagi viktorina orqali ishtirokchilarning huquqiy bilimlari sinovdan oʻtkazildi.

Tadbir yakunida MTT tarbiyalanuvchilari ijrosida istiqlolni tarannum etuvchi qoʻshiqlar yangradi.

        “Adolat” SDP Andijon viloyat kengashi Matbuot xizmati.