Hududlarni ijtimoiy-iqtisodiy rivojlantirishga qaratilgan yangi takliflar deputat tomonidan oʻrganilmoqda

Oliy Majlis Qonunchilik palatasi deputati Maxfurat Xushvaqtovaning Mirishkor tumanida  boʻlib oʻtgan yuzma-yuz muloqotidan aholi mamnun boʻlmoqda.

Deputat Mirishkor tumani hokimligi tadbirgohida tuman oila va xotin qizlar boʻlimi boshligʻi Zamira Mamanazarova va Nuroniy jamgʻarmasi raisi Arabboy Xosiyatov hamkorligida xotin-qizlar bilan uchrashdi.

Yuzma-yuz muloqotda Maxfurat Xushvaqtova ayollarning huquq va qonuniy manfaatlarini himoya qilish, mamlakatimizda xotin-qizlar uchun yaratilayotgan imkoniyatlar, gender tenglik, sogʻligʻini saqlash, kasbga oʻqitish, bandlik, tadbirkorlik masalalari xususida atroflicha tushuncha berdi. Deputat murojaat qilgan ayollar bilan yuzma-yuz gaplashib, koʻtarilgan aksar muammolarga joyida yechim topdi. 20 nafardan ortiq xotin-qizlarga huquqiy tushuntirishlar berildi.

Eʼtiborlisi, mazkur uchrashuvda aholi vakillari tomonidan hududni ijtimoiy-iqtisodiy rivojlanishiga qaratilgan yangi takliflari deputat tomonidan oʻrganilmoqda.

“Adolat” SDP fraksiyasi aʼzosi Maxfurat Xushvaqtovaning aholi bilan uchrashuvlari davom etmoqda.

 “Adolat” SDP

Qashqadaryo viloyat Kengashi Matbuot xizmati.