Inson qadri ulugʻlangan yurt

Inson qadri ulugʻlangan yurtda yashar ekanmiz, kattalarga hurmat va kichiklarga izzat, koʻmakka muhtojlarni qoʻllab- quvvatlash hislarini oʻsib kelayotgan yosh avlodlarni qalbiga singdirishdan boshlashimiz zarur. Oʻzbekiston “Аdolat” SDP “Inson qadri ulugʻlangan yurt” loyihasi doirasida partiyaning Fargʻona viloyat Kengashi boshchiligida Xalq deputatlari Qoʻshtepa tuman Kengashidagi partiya deputatlari tashabbusi tahsinga munosib. Qoʻshtepa tuman, Margʻilon va Fargʻona shaharlaridan ijtimoiy himoyaga muhtoj, boquvchisini yoʻqotgan oilalarning yuzlab farzandlari ishtirokida mehr tadbiri tashkil etildi.

Dastlab, jajji oʻgʻil –qizlarimizga Fargʻona shahridagi Ahmad al-Fargʻoniy nomli madaniyat va istirohat bogʻidagi attraksionlarning beminnat xizmati yoʻlga qoʻyildi.

Bu kun ularning hayotidagi unutilmas lahzalarga aylanishi uchun Margʻilon shahridagi “Diyor” kafesida xushovoz xonandalarning dilrabo kuy –qoʻshiqlari yangrab, xursandchiliklar shukronalik raqslarga ulanib ketdi.

“Adolat” SDP Fargʻona viloyat kengashi

Matbuot xizmati.