Ishonchli vakil Muzaffara Abdiyeva Oqdaryo tumanida

Oʻzbekiston Respublikasi Prezidentligiga “Adolat” sotsial-demokratik partiyasidan nomzod Robaxon Maxmudovaning Samarqand viloyatidagi ishonchli vakili Muzaffara Abdiyevaning saylovchilar bilan navbatdagi uchrashuvi Oqdaryo tumanida boʻlib oʻtdi

Ayni kunlarda “Adolat” sotsial-demokratik partiyasidan Oʻzbekiston Respublikasi Prezidentligiga nomzod Robaxon Maxmudovaning viloyatimizdagi ishonchli vakili tomonidan viloyatimiz boʻylab joylarda saylovchilar bilan uchrashuvlari davom etmoqda.

Oqdaryo tumanida tashkil etilgan uchrashuvda xalq deputatlari tuman kengashi deputatlari, partiya faollari, oʻqituvchilar, tibbiyot sohasi vakillari, yoshlar va ommaviy axborot vositalari vakillari ishtirok etdi.

Dastlab, uchrashuvda “Adolat” sotsial-demokratik partiyasidan Oʻzbekiston Respublikasi Prezidentligiga nomzod Robaxon Maxmudovaning viloyatimizdagi ishonchli vakili Muzaffara Abdiyeva tomonidan tadbir ishtirokchilariga nomzod haqida batafsil maʼlumot berildi.

Shuningdek nomzod Saylovoldi dasturida huquqiy davlat qurish, ijtimoiy adolatni va milliy iqtisodiyotimizning barqaror oʻsishini taʼminlash, ilm-fan, innovatsiya­lar va taʼlim sohasini barqaror rivojlantirish, aholi salomatligini muhofaza qilishga doir takliflari oʻrin olganligini taʼkidlab oʻtdi. Mamlakat rivoji, fuqarolar farovonligi yoʻlida amalga oshirishga qaratilgan gʻoya va maqsadlari aks etgan Saylovoldi dasturi, unda ilgari surilayotgan ustuvor yoʻnalishlar bilan ishtirokchilarni yaqindan tanishtirdi.

Tadbir yakunida Muzaffara Abdiyeva saylovchilarning ishtirokchilarning savollariga batafsil javob berdi.

Oʻzbekiston Respublikasi Prezidentligiga nomzod Robaxon Maxmudovaning ishonchli vakili Muzaffara Abdiyevaning viloyatimiz boʻylab saylovchilar bilan uchrashuvlari davom etmoqda.

Abdullo Yusufov,

Xalq deputatlari Samarqand shahar Kengashi deputati.