Ishonchli vakil uchrashuvi davom etmoqda

“Adolat” sotsial-demokratik partiyasidan Prezidentlikka nomzod Robaxon Maxmudovaning ishonchli vakili Nurliboy Qayipbergenovning Shoʻmanoy tumanidagi saylovchilar bilan uchrashuvi boʻlib oʻtdi.

Uchrashuvda nomzodning tarjimai holi va saylovoldi dasturidan oʻrin olgan vazifalar toʻgʻrisida batafsil maʼlumotlar berildi.

Uchrashuvda huquqiy davlat qurish, ijtimoiy adolatni qaror toptirish, fan, innovatsiya va taʼlim sohasining barqaror oʻsishiga erishish, aholining salomatligini har tomonlama asrab avaylash, fuqarolik jamiyatini rivojlantirish, atrof muhitni muhofaza qilish, xotin-qizlarni va yoshlarning siyosiy faolligini oshirish kabi ahamiyatli vazifalar taʼkidlab oʻtildi.

“Adolat” SDP

Qoraqalpogʻiston Respublikasi Kengashi Matbuot xizmati.