Ishsiz xotin- qizlar uchun maxsus seminar

Quvasoy shahar hokimligi, “Adolat” SDP Quvasoy shahar Kengashi, shahar Kambagʻallikni qisqartirish va bandlikka koʻmaklashish boʻlimi hamda masʼul tashkilotlar rahbarlari ishtirokida “Ellycardin textil” xorijiy korxonasida seminar tashkil etildi. Unda shahardagi 31 ta mahalla fuqarolar yigʻinidan 100 dan ortiq ish bilan band boʻlmagan xotin-qizlar ishtirok etdilar.

Seminar ishtirokchilariga ayollar roʻmollarini ishlab chiqarishga ixtisoslashgan korxonada ishchilar uchun yaratilgan shart-sharoitlar tanishtirilib, kelgusidagi istiqbolli rejalar haqida maʼlumot berildi.

Seminar davomida ishlash istagini bildirgan 35 nafar ayollar bilan mehnat shartnomalari tuzilib, ish bilan bandligi taʼminlandi.

“Adolat” SDP

Fargʻona viloyat kengashi Matbuot xizmati.