Istiqlol-bizning istiqbolimiz

“Adolat” SDP Jalaquduq tuman kengashi tashabbusi bilan Mustaqilligimizning 32 yilligi bayrami arafasida “Yosh adolatchilar” ishtirokida tashkil etilgan maʼnaviy-maʼrifiy tadbir ana shunday nomlandi. Istiqlol farzandlarining “Biz baxtli yoshlarmiz!” degan hayqiriqlari bilan boshlangan tadbir katta tantanaga aylandi.

Mustaqil yurt bayrogʻini baland koʻtarib maydonga kirgan yigit-qizlar tomonidan dastlab Davlatimiz madhiyasi ijro etildi. Koʻrgazmalarda ozod va obod yurtimiz, Oʻzbekistonning bugungi hayoti oʻz ifodasini topdi. Mustaqilligimizni, tinchligimiz va farovon hayotimizni madh etuvchi kuy-qoʻshiqlar yangraganda ishtirokchilar baralla joʻr boʻldilar. Sport musobaqalari yoshlarning sogʻlom va barkamol insonlar boʻlib kamolga yetayotganliklarini ifodaladi.

Bayram tadbiri mahallalarga koʻchdi. “Yosh adolatchilar” xonadonlarga kirib borib, “Istiqlolim-istiqbolim” mavzusida tayyorlangan bukletlarni yurtdoshlarimizga tarqatdilar.

        “Adolat” SDP Andijon viloyat kengashi

Matbuot xizmati.