Istiqlol mushoiralari shukronasi

“Yangi hayot uchun, Yangi Oʻzbekiston uchun!” degan bosh gʻoyani oʻzida mujassam etgan maʼnaviy-maʼrifiy tadbirlar Fargʻona viloyatining barcha hududlarida keng qamrovli olib borilyapti. “Adolat” SDPning doimiy hamkorlaridan biri Margʻilon shahridagi Erkin Vohidov nomli ijod maktabi oʻqituvchisi, kuni kecha taqdimoti oʻtkazilgan “Nurga etmogʻimiz bor” kitobining muallifi Oʻktamxon Solieva bu ezgu tadbirlarda faollik koʻrsatmoqda. Davlat rahbarining “Oʻzbekiston Respublikasi davlat mustaqilligining oʻttiz ikki yillik bayramiga tayyorgarlik koʻrish va uni yuqori saviyada oʻtkazish toʻgʻrisida”gi qarorining mazmun- mohiyatini yoshlar tafakkuriga sindirish, yangilangan Konstitutsiya mazmun-mohiyati va “Oʻzbekiston—2030” strategiyasining asosiy ustuvor yoʻnalishlari doirasida belgilangan tub islohotlar haqida targʻibot tadbirlarini olib borar ekan, sheʼriy mushoiralar suhbatlarga yanada fayz bagʻishlamoqda.

            Saxovat bogʻida bagʻri osmonsan,

            Istiqlol yaratgan bogʻu boʻstonsan, —

deya bugungi istiqlol saodatini kuylar ekan, qalblarga shukronalik hislarini armugʻon etadi. Mushoira esa yoshlar talqinida yangicha ruh, yangicha nafas bilan bir-biriga ulanib boraveradi.

“Adolat” SDP

Fargʻona viloyat kengashi Matbuot xizmati.