Istiqlolga munosib tuhfa

Mamlakatimiz mustaqilligining 32 yilligi munosabati bilan Quvasoy shahri markazida zamonaviy qiyofadagi oilaviy poliklinika foydalanishga topshirildi. Tantanali tadbirda davlat va jamoat tashkilotlari rahbarlari, faollar va tibbiyot fidoiylari ishtirok etdilar.

Xalqimiz orzusidagi mazkur maskan Xalq deputatlari Quvasoy shahar Kengashi deputatlari, deputatlik guruhi rahbari M.Mehmonov saʼy- harakatlari bilan qurib bitkazildi, zarur jihozlar bilan jihozlandi.

Barcha sharoitlarga ega boʻlgan mazkur oilaviy poliklinika shahardagi H.Olimjon hamda A.Navoiy nomli mahallalar hududida istiqomat qiluvchi 40 mingga yaqin aholiga beminnat xizmat koʻrsatadi. “Yangi hayot uchun, Yangi Oʻzbekiston uchun!” degan bosh gʻoyani oʻzida mujassam etgan bayram shukuhi har bir ishtirokchilar qalbiga gʻurur hislarini tortiq etdi.

Inson qadri ulugʻlangan yurt ahli yurt tinchligi va ravnaqini tilab duolar qildilar.  

“Adolat” SDP

Farg’ona viloyat kengashi Matbuot xizmati.