Karmanada zakovat intellektual oʻyinlari oʻtkazildi

Karmana tuman Axborot-kutubxona markazida “Adolat” sotsial demokratik partiyasi Karmana tuman Kengashi tashabbusi bilan Axborot-kutubxona markazi hamkorligida “Adolat-inson qadri uchun” nomli xodimlarning intellektual salohiyatlarini oshirish maqsadida “Zakovat” intellektual oʻyinlari tashkil etildi.

“Zakovat” intellektual oʻyinida tuman Ichki ishlar boʻlimining “Tafakkur” jamoasi, 523-sonli harbiy qism askarlaridan tarkib topgan “Jasorat” jamoasi hamda Karmana tuman Axborot-kutubxona markazining xodimlaridan tarkib topgan “Bilimdonlar” jamoasi oʻzaro bellashdilar.

Tadbirni Karmana tuman axborot-kutubxona markazida direktori Dilorom Imomova kirish soʻzi bilan ochib berdi hamda jamoalarga omad tiladi. Intellektual oʻyinda ishtirokchi jamoalarga 10 ta savol berildi. Natijalarga koʻra 1-oʻrinni 523-sonli harbiy qismning “Jasorat” jamoasi, 2-oʻrinni AKMning “Bilimdonlar” jamoasi hamda 3-oʻrinni Tuman IIBning “Tafakkur” jamoasi egalladi.

Jamoalarga partiya Karmana tuman Kengashi hamda Axborot -kutubxona markazi tomonidan pul mukofoti hamda kitob sovgʻalari topshirildi.

“Adolat” SDP Navoiy viloyat  Kengashi Matbuot xizmati.