Koʼngillarga Navroʼz shukuhi ulashildi

«Saxovat – benazir qadriyat» loyihasi doirasida partiya viloyat Kengashi hamda “Margʼilon saxovati” xayriya guruhi hamkorligida Qoʼshtepa tumanida Navroʼz umumxalq bayrami munosabati bilan tadbir tashkil etildi.

 Tadbirga Qoʼshtepa, Margʼilon, Fargʼona shahrida istiqomat qiluvchi boquvchisini yoʼqotgan oilalar farzandlari va imkoniyati cheklangan fuqarolar taklif etilib, ular uchun bayram dasturxoni yozildi hamda konsert dasturi tashkillandi.

–  Bugungi tadbirimiz sizlarga manzur boʼlishidan umidvormiz, – deydi viloyat Kengashi raisi v.b Sh.Egamov mehmonlarni qarshilar ekan. – Navroʼz  barchamizni ona zaminimizda boʼlayotgan oʼzgarishlardan bahramand boʼlish, bahoriy quvonch, iliqlikni bir-birimizga ulashish, baham koʼrishga undaydi. Аyyom barchamizga muborak boʼlsin!

 Tadbir davomida partiya maqsad va vazifalarini aholi orasida keng targʼib etishda faollik koʼrsatgan partiyadoshlarimiz taqdirlandi.

 “Аdolat” SDP Fargʼona viloyat Kengashi

Matbuot xizmati.