“Kogonliklar oʻz kelajagiga befarq emas”

Kogon tuman “Istiqbol MFY” da navbatdagi targʻibot jarayonlari boʻlib oʻtdi. Tadbirda Oliy Majlis senati huzuridagi “Yoshlar parlamenti” aʼzosi, Xalq deputatlar Kogon tuman kengashi deputati, “Adolat” SDP Kogon tuman Kengashi hamda “Yosh adolatchilar” qanoti raisi Shehroz Norov va Xalq deputatlar Kogon tuman Kengashi deputati Dildora Murodova va mahalla faollari ishtirok etishdi.

Soʻzga chiqqanlar tomonidan, yangilanayotgan Konstitutsiyaning 44-moddasida majburiy mehnat, bolalarning barkamol rivojlanishiga salbiy taʼsir qiladigan har qanday bolalar mehnati taqiqlanishi belgilab qoʻyilgani, ushbu muhim oʻzgarish aynan majburiy mehnat, xususan, bolalar majburiy mehnatiga toʻliq barham berilishini koʻzda tutib, majburiy mehnatning Konstitutsiya darajasida taqiqlanishi xalqimizning ilmiy, maʼnaviy salohiyati oshishiga, iqtisodiyot va ijtimoiy soha rivojlanishiga, hayot sifati yaxshilanishiga xizmat qilishini aytib oʻtildi.

Yangilanayotgan Konstitutsiya chinakam xalq Konstitutsiyasi boʻlishiga, Yangi Oʻzbekistonning huquqiy tayanchi, xalqimizning birdamligi va farovonligi kafolatiga aylanishiga ishonch bildirdilar.

Mohigul Rahimqulova,

“Adolat” SDP Buxoro viloyat Kengashi matbuot kotibi.