Konstitutsiya bilimdoni aniqlandi

Nukus shahridagi 17-sonli umumtaʼlim maktabida “Adolat” SDP siyosiy Kengashi Ijro Qoʻmitasining maxsus qarori boʻyicha partiyaning Nukus shahar Kengashi tomonidan “Vatan kelajagi yoshlar qoʻlida” loyihasi doirasida “Konstitutsiya bilimdoni” koʻrik-tanlovi oʻtkazildi.

Tanlovni oʻtkazishdan asosiy maqsad, yoshlarning huquqiy va siyosiy bilimlarini, aqliy tafakkuri va madaniyatini rivojlantirish, ularning Konstitutsiya va amaldagi qonun hujjatlari toʻgʻrisidagi egallagan bilimlarini aniqlash, shuningdek yosh avlodning nutq va erkin fikrlash qobiliyatlarini oshirish hamda Vatanparvarlik ruhida tarbiya qilib borishdan iborat hisoblanadi.  

Oʻtkazilgan tanlovga kasb-hunar maktablari, kollej va texnikumlar hamda oliy taʼlim dargohlari tasarrufidagi akademik litseylarning 2-bosqich oʻquvchilari qatnashib, Oʻzbekiston va Qoraqalpogʻiston Respublikasi Konstitutsiyalari haqida, shuningdek amaldagi davlat qonunlari va “Adolat” SDP  ustavi, saylovoldi dasturlari boʻyicha oʻz bilimlarini sinovdan oʻtkazishdi.

Tanlov yakuniga koʻra Nukus shahar 1-sonli kasb-hunar maktabi oʻquvchisi Moldir Mirzabekova 1-oʻrinni, NDPI tasarrufidagi akademik litsey oʻquvchisi Dilbor Muradova 2-oʻrinni, Qoraqalpogʻiston yuridik texnikumi oʻquvchisi Arjumanbonoʻ Baltabayeva sovrinli 3-oʻrinni qoʻlga kiritdi.

Gʻoliblar tashkilotchilar tomonidan tayyorlangan diplom va esdalik sovgʻalari bilan taqdirlanishdi.

“Adolat” SDP

Qoraqalpogʻiston Respublikasi Kengashi Matbuot xizmati.