“Konstitutsiya-bu kelajak”

“Adolat” SDP Kogon tuman kengashi tomonidan Kogon tuman koʻp tarmoqli markaziy poliklinikasida “Konstitutsiya-bu kelajak” mavzusida davra suhbati boʻlib oʻtdi. U boʻlajak referendum va Yangi Konstitutsiya loyihasiga bagʻishlandi. Davra suhbatida viloyat Kengashi raisi, xalq deputatlari viloyat Kengashi deputati M.Hamidov va poliklinika xodimlari ishtirok etishdi. Tadbirda viloyat Kengashi deputati M.Hamidov soʻzga chiqdilar. Deputatimiz oʻz maʼruzalarida: -“Yangilanayotgan Konstitutsiyamiz haqiqatdan ham Xalq Konstitutsiyasi boʻladi. Chunki unda aholining barcha qatlamlari, shu jumladan, ayollar, nuroniylar, bolalar, yoshlar, nogironligi boʻlgan, ijtimoiy himoyaga muhtoj shaxslar, xorijdagi vatandoshlarimiz, hattoki mahkumlar barcha-barchaning huquq va manfaatlari hisobga olinayotganini ”-taʼkidlab oʻtdilar.

Davra suhbati davomida yangi tahrirdagi Konstitutsiya yurtimiz taraqqiyoti, xalqimiz farovonligi rivojiga xizmat qilishi, eng avvalo esa “Inson qadri uchun” gʻoyasini ustuvor yoʻnalish sifatida belgilanishi qayd etildi.

Sanjar Maydonov,

“Adolat” SDP Buxoro viloyat Kengashi raisi oʻrinbosari.