Konstitutsiyamizga befarq emasmiz 

Ayni kunlarda mamlakatmizda muhim siyosiy jarayon-joriy yilning 30-aprelʼ kuni oʻtkaziladigan referendumga tayyorgarlik koʻrilmoqda. Shu munosabat bilan jamoatchilik orasida olib borilayotgan targʻibot tadbirlari fuqarolarning bu boradagi siyosiy bilimlarini oshirishga qaratilgan.

Andijon tumanidagi 3-son kasb-hunar maktabida oʻtkazilgan “Konstitutsiya oʻzimizniki” mavzusidagi davra suhbati ham ayni shu maqsadga qaratildi. Tumandagi taʼlim muassasalarining pedagoglari va tibbiyot xodimlari ishtirokidagi tadbirda Oʻzbekiston Respublikasi Konstitutsiyasi toʻgʻrisidagi Oʻzbekiston Respublikasi Konstitutsiyaviy qonuni loyihasi boʻyicha soʻz yuritildi. Unga asosan Bosh Qonunimizga kiritilayotgan oʻzgartishlar, inson omiliga alohida eʼtibor qaratilayotgani koʻrsatib oʻtildi.

Tadbirda soʻz olgan Oliy Majlis Qonunchilik palatasi deputati Mavluda Adhamjonova ishtirokchilarni referendumda faol ishtirok etishga chaqirdi. Bu bilan yangi Oʻzbekistonning kelajagini yaratishga oʻz munosabatlarini bildirishlarini taʼkidladi.

Mazkur taʼlim maskanida boshlangan targʻibot ishlari mahallalarda davom etdi.

Zumradoy Soliyeva,

Oliy Majlis Qonunchilik palatasi deputati yordamchisi.