Konstitutsiyaviy islohotlar mehnat jamoalarida ham keng oʻrganilmoqda

Yangi tahrirdagi Konstitutsiya loyihasini aholiga yetkazish maqsadida, Bagʻdod tumanida faoliyat yuritayotgan korxona-tashkilotlar va muassasalar mehnat jamoalarida ham targʻibot tadbirlari tashkil etilmoqda. Jumladan, 38- hamda 15-sonli maktabgacha taʼlim tashkilotlarida oʻtkazilgan targʻibot tadbirlarida “Saidobod” va “Mirishkor” mahalla fuqarolar yigʻinlari aholisi, shuningdek, MTT xodimlari ishtirok etdi.

“Adolat” sotsial-demokratik partiyasi tuman Kengashi tashabbusi bilan tashkillangan tadbirda Oʻzbekiston Respublikasi Oliy Majlisi Qonunchilik palatasi deputati Gulbahor Saidgʻaniyeva qatnashib, bunda jam boʻlganlarga konstitutsiyaviy islohotlar yuzasidan atroflicha maʼlumotlar berdi.

Targʻibot tadbirlarida soʻz olganlar, barchani yangi tahrirdagi Konstitutsiya muhokamasi boʻyicha 30-aprel kuni oʻtkaziladigan referendumda faol ishtirok etishga daʼvat qildilar.