Kuchli ijtimoiy himoya — davlat siyosatining muhim yoʻnalishi

Huquqiy ijtimoiy davlatni vujudga kelishi Oʻzbekiston ahlining koʻp ming yillik yakdil orzusidir. Soʻnggi yillarda mamlakatimizda amalga oshirilgan tub islohotlar, qoʻlga kiritilgan natijalar barobarida mamlakatimizni dunyo eʼtirofidagi mamlakatlar qatorida rivojlantirishga erishish, xalqning chinakam maʼnodagi saodatmand etish yoʻlida qilingan ulugʻvor harakat bu - ayni davrdagi konstitutsiyaviy islohotlarimizdir.

Buni Oʻzbekiston “Veteran” jangchi faxriylar va nogironlari birlashmasi Fargʻona viloyat boʻlimi faxriylarining qalb soʻzlaridan ham anglash mumkin. Oʻzbekiston “Adolat” SDP Fargʻona viloyat Kengashi raisi oʻrinbosari Shuhratdek Egamov yangi tahrirdagi Konstitutsiyaviy qonun loyihasi haqida soʻz yuritar ekan, kuchli ijtimoiy himoya va muhtojlarga gʻamxoʻrlik – davlat siyosatining muhim yoʻnalishi boʻlib qolishi, bu har bir inson oʻz kelajagiga boʻlgan ishonch va vatanga sadoqatini oshirishiga toʻxtalib oʻtdi.

Vatan taqdiri, oʻzi va oilasi, xalqi kelajagiga loqayd boʻlmagan insonlar borki, ular bu muhim siyosiy jarayonda hamisha oldingi saflarda ovoz berishga shaydirlar. Yangi Konstitutsiyaviy qonun loyihasi afzalliklari faxriylarning qizgʻin bahslarida taʼkidlanganidek, xalqning chinakam maʼnodagi saodatga yetaklovchi yorqin yulduz boʻlib, koʻngillarni yoritishiga ishonch bildirdilar.

“Adolat” SDP Fargʻona viloyat Kengashi
matbuot xizmati.