Mansabdor shaxs eshituvi:  Deputatlar tashkilot faoliyatiga e'tiroz bildirishdi

So‘x tuman Kengashi kotibiyatida partiyaning tuman Kengashi hamda xalq deputatlari tuman Kengashi deputatlari  ishtirokida mansabdor shaxs eshituvi o‘tkazildi. Yig‘ilishda O‘zbekiston Respublikasi Prezidentining 2020 yil 8 avgustdagi "2020-2021 yillarda Farg‘ona viloyatining So‘x tumanini kompleks ijtimoiy-iqtisodiy rivojlantirish chora-tadbirlari to‘g‘risida"gi qarorida belgilangan vazifalar ijrosi muhokoma etildi.  Mazkur Qarorda tumanning «Oftobru», «Tul», «Hushyor», «Qaqir» singari 20 taga yaqin aholini  ichimlik suvi bilan ta'minlashi uchun ajratilgan bir yuz sakkiz milliard so‘m mablag‘ yuzasidan “Yangi avlod” MChJ rahbari Murodjon Ahmedovning  hisoboti tinglandi.

“Adolat” SDPdan saylangan deputatlik guruhi rahbari S.Nishonov boshchiligida o‘tkazilgan mansabdor shaxs eshituvida ichimlik suvi tarmog‘i tortilishi belgilangan mahallarda ishlar sur'ati sust ekanligi, uch yildan beri bajarilishi paysalga solib kelinayotgani tanqid qilindi. Shuningdek, aholining ta'lab va ehtiyojlarini qondirish maqsadida ajratilgan mablag‘larni maqsadli sarflash, tashkilot faoliyatini jonlantirish yuzasidan taklif va tavsiyalar bildirildi.

 “Adolat” SDP Farg‘ona viloyat Kengashi matbuot  xizmati.