Mehnatga munosib ragʻbat

Xotin-qizlarning davlat va jamiyat hayotida tutgan oʻrni va nufuzini oshirish maqsadida xalqimiz farovonligini yuksaltirish yoʻlida tashabbus va ibrat koʻrsatib kelayotgan bir guruh xotin-qizlar taqdirlandi. Oʻzbekiston Respublikasi Prezidentining 8 mart – Xalqaro xotin-qizlar kuni munosabati bilan mukofotlash toʻgʻrisidagi Farmoniga muvofiq turli soha vakilalariga mukofotlar topshirildi. Ularning orasida deputatimizning ham borligi quvonarlidir.

Xalq deputatlari Fargʻona viloyat Kengashi deputati, Oliy Majlis Senatining Fan, taʼlim va sogʻliqni saqlash masalalari qoʻmitasi aʼzosi Salimova Manzura Alimovna “Doʻstlik” ordeni bilan mukofotlandi.

M.Salimova mehnat faoliyati davomida tibbiy xizmat sifatini oshirish, xotin-qizlarning salomatligini mustahkamlash, “Sogʻlom ona-sogʻlom bola” tamoyili asosida ayollarimizning tibbiy savodxonligini oshirishga alohida ahamiyat qaratib kelgan. Hududlarda tibbiy koʻriklar tashkil etib, ayollar oʻrtasida sogʻlom muhitni barqarorlashtirish, bolalarda tugʻma va irsiy kasalliklarni barvaqt aniqlash masalalarida tizimli ishlarni amalga oshirgan.

“Аdolat” SDP Fargʻona viloyat Kengashi jamoasi senator M.Salimovani yuksak mukofot bilan muborakbod etib, kelgusi ishlarida omad va zafarlar yor boʻlishini tilaydi.

 “Аdolat” SDP Fargʼona viloyat Kengashi

Matbuot xizmati.