Mening Konstitutsiyam, mening faxrim Xalq Konstitutsiyasi bilan xalqchil davlat sari

Mustaqil mamlakatimizda amalga oshirilayotgan islohotlar yurtdoshlarimizning shaʼni, qadr qimmati, huquq va erkinliklari bundan buyon ustuvor ahamiyatga ega boʻladi. Inson qadri boʻlgan “Inson-jamiyat-davlat” degan yondashuvning yangi tahrirdagi Konstitutsiya loyihasining butun mazmun mohiyatiga chuqur singdirilgani ayni muddao boʻldi.

Oʻzbekiston “Adolat” SDP Qarshi tuman Kengashi tomonidan Omontepa MFY hududidagi akademik litseyida “Xalq Konstitutsiyasi bilan xalqchil davlat sari” shiori ostida uyushtirilgan Maʼnaviyat festivalida ham baxtimiz Qomusiga kirilayotgan oʻzgartirish va normalar xususida fikr mulohaza yuritildi. Unda partiya faollari, oʻqituvchilar, mahalla aʼzolari, yoshlar, xotin-qizlar tashkilotlari vakillari va keng jamoatchilik ishtirok etdi.

Tadbirda partiyaning tuman Kengashi raisi Yulduz Muhammadiyeva, “Maʼrifat” targʻibotchilar jamiyati aʼzolari, Oʻzbekiston Xalqaro Islom akademiyasi dotsenti Bektosh Berdiyev, Oʻzbekistonda xizmat koʻrsatgan artistlar Hakima Otaxonova, Dilfuza Raximovalar soʻzga chiqib, yangi Oʻzbekiston sharoitida yangi tahrirdagi Konstitutsiya loyihasining eng muhim jihatlari inson, uning hayoti, erkinligi hamda qadr qimmati, daxlsiz huquqlari va manfaatlarini taʼminlash, erkin adolatli fuqarolik jamiyatini rivojlantirish, qonun ustuvorligini taʼminlash,demokratik huquqiy davlat qurish haqida gapirdilar.

Partiya tuman Kengashi tashabbusi bilan tashkil etilgan targʻibot tadbiri koʻtarinki ruhda oʻtdi.

Jasur Lutfiyev,

“Adolat” SDP Qashqadaryo viloyat Kengashi faoli.