Milliy libos- millat koʻzgusi

Mard-u maydon yigitlarimizning boshidagi doʻppisi bilan dunyoni istalgan nuqtasida Oʻzbekistonlikmisiz,- deyishsa ajablanmaymiz. Oʻsha bodom nusxa erkak doʻppilari-yu, kamalak jilosidek tovlanuvchi atlas matolarimiz chindan ham xalqimizning asriy qadriyatlari bilan dunyoga tanituvchi rishta. Bu an'analar, qadriyatlar boqiyligi uchun esa faxr va iftixor bilan intilaveramiz.

Fargʻona viloyat hokimligi, jamoat tashkilotlari va “Adolat” SDP hamkorligida Fargʻona neftni qayta ishlash zavodida “Milliy libos- millat koʻzgusi” maʼnaviy-maʼrifiy tadbir tashkil etildi. Momolarimizdan meros va hunarmandlarning koʻz nuri va mehr-u- muhabbati bilan yaralgan atlas va adras matolari nafaqat goʻzallik timsoli, balki xotin-qizlarimizning salomatligi uchun foydali jihatlari haqida ham maʼlumot berib oʻtildi.

Shundan soʻng mahalliy dizaynerlar tomonidan atlas matosidan tayyorlangan milliy va zamonaviy liboslar namoyish etildi. Xalqimizning bebaho oltin merosidan oʻrin olgan folklor etnografik jamoalarining qoʻshiqlari barchaga koʻtarinki kayfiyat baxsh etdi.

                                                                        “Adolat” SDP

Fargʻona viloyat kengashi matbuot xizmati.