Navbatdagi targʻibot ishlaridan biri Vobkent tuman Xalq taʼlimi boʻlimida “Konstitutsiya-kelajagimiz poydevori” mavzusida davra suhbati boʻlib oʻtdi

Uchrashuvda Oʻzbekiston “Adolat” SDP viloyat Kengashi raisi, Xalq deputatlari viloyat Kengashi deputati M.Hamidov, Oliy Majlis Qonunchilik Palatasi deputati Q.Joʻrayev, tuman Kengashi raisi M.Roʻziyev, yurtimizga tashrif buyurgan Xalqaro kuzatuvchilar va tuman Xalq taʼlimi boʻlimi xodimlari ishtirok etishdi.Tadbirda soʻzga chiqqanlar Oʻzbekiston Respublikasi Senatda Xotin-qizlar va gender tenglik masalalari qoʻmitasi tashkil etilganligi, Oʻzbekiston tarixida ilk marotaba parlamentda xotin-qizlar soni BMT tomonidan belgilangan tavsiyalarga mos darajaga – qariyb 32 foizga yetganligi va dunyodagi 190 ta parlament orasida 37-oʻringa koʻtarilganligi, boshqaruv lavozimidagi xotin-qizlar ulushi 27 foizga, partiyalarda 44, oliy taʼlimda 40, tadbirkorlikda 35 foizga yetganligini, xotin-qizlarni ijtimoiy-iqtisodiy qoʻllab-quvvatlash, ular bilan manzilli ishlash maqsadida “Ayollar daftari” tizimi joriy etilib, davlat byudjetidan har yili 300 mlrd soʻm mablagʻ ajratib borish yoʻlga qoʻyilganligi, taʼlim olishlari, ilm-fan bilan shugʻullanishlari uchun sharoit yaratish davlatning alohida vazifasiga aylanganligi, natijada, birgina 2022 yilda oliy oʻquv yurtlariga qabul qilingan talabalarning 49,9 foizini opa-singillar tashkil etayotganligini taʼkidlab oʻtishdi.

Umumxalq muhokamasi asosida qabul qilinishi koʻzda tutilgan yangilanayotgan Konstitutsiyaning mazmun-mohiyatini tushuntirish, referendum ishtirokchilari salohiyatini oshirish va ularni Oʻzbekiston Respublikasi Konstitutsiyasiga kiritilayotgan oʻzgarishlar bilan tanishtirildi va referendum kuni faol ishtirok etishlari chaqirildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.