Nega ayollar zoʻravonlik qurboniga aylanishi kerak?

Nima uchun bugungi kunda xotin-qizlar tazyiq va zoʻravonliklar qurboniga aylanmoqda? Yuzaga kelayotgan salbiy va achinarli holatlarni oldini olish uchun qanday kurash olib borish zarur?        

Fargʻona davlat Universitetida tabiiy fanlar fakulteti, Ijtimoiy himoya milliy agentligi tasarrufidagi ayollarni reabilitatsiya qilish va moslashtirish respublika markazi Fargʻona viloyat hududiy boʻlimi, Adolat SDP hamkorligida “Tazyiq va zoʻravonlikka birgalikda kurashamiz” mavzusida tadbir oʻtkazildi.

Tadbirda universitet tabiiy fanlar fakulteti pedagoglar jamoasi,tyutorlar va talaba qizlar ishtirok etdi.

Unda xotin-qizlarning huquq va manfaatlarini himoya qilish omillari, ularni tazyiq va zoʻravonlikdan himoya qilish borasida mamlakatimizda amalga oshirilayotgan ishlar, kelgusida xotin-qizlarni qonuniy manfaatlarini himoya qilish maqsadida hududlarda eʼtibor qaratish zarur boʻlgan jihatlar haqida batafsil maʼlumot berildi.

Tadbirda talaba qizlar oʻzlarini qiziqtirgan savollarga javob oldilar.