Nishonda konstitutsiyaviy islohotlar yuzasidan seminar tashkil etildi

25-mart kuni Nishon tumani hokimligida Oʻzbekiston Respublikasi Suv xoʻjaligi vaziri Shavkat Hamroyev, Oʻzbekiston Respublikasi Oliy Majlis Senati aʼzosi, senator Ilhom Qurbonov, Oʻzbekiston Respublikasi Oliy Majlis Qonunchilik Palatasi deputati Abdugʻani Umirov hamda tuman hokimi Muxtor Hayitmurodov ishtirokida yangi tahrirdagi Konstitutsiya yuzasidan seminar treningi boʻlib oʻtdi.

Ushbu seminar treningda soʻzga chiqqan maʼruzachilar yangi tahrirdagi Konstitutsiyamizning hayotimizda tutgan oʻrni, ahamiyati hamda inson, jamiyat va davlat tamoyilining mushtarakligi loyihada oʻz aksini topganligini haqida statistik maʼlumotlar yordamida tahlil etib berishdi.

Targʻibot tadbirida ishtirok etgan tinglovchilar maʼruzachilar tomonidan Konstitutsiyamizga kiritilayotgan oʻzgartirish va qoʻshimchalar boʻyicha atroflicha tushunchalarga ega boʻlishdi.