Nuroniylar holidan xabar olindi

Partiyaning Yangiariq tuman Kengashi faollari tomonidan tumandagi “Chaqir” mahallasida istiqomat qilib, umrguzaronlik qilayotgan nuroniylar holidan xabar olinib, ularni oʻylantirib kelayotgan muammolar yuzasidan oʻrganish ishlari olib borildi.

Xususan, faollar Oʻgʻiljon Bekiyeva, Onabibi Matchanova, Saparmat Sapayev va bir qator keksa nuroniylar xonadonida boʻlib, ular bilan dildan suhbatlashishdi, yashash sharoiti, muammolari bilan yaqindan tanishishdi hamda partiyaning esdalik sovgʻalarini ulashishdi.

Oʻgʻiljon Bekiyeva, suhbatdosh:-Odam keksaygani sayin mehrga, eʼtiborga chanqoq boʻlib boraverar ekan. Bugun partiya faollari uyimizga kelib salomatligimiz, yashash sharoitimiz bilan xuddi yaqinlarimiz kabi qaygʻurganidan koʻnglimiz togʻdek koʻtarildi. Odam bir ogʻiz shirin soʻz bilan bir olam quvonchga toʻlar ekan. Ilohim mehr-oqibatli yurtimiz omon boʻlsin, partiya faollarining ishlariga rivoj, yurtimiz tinchligini tilab doim duoda boʻlamiz.                                                                                                

Barnogul     Sapaeva, 

 “Adolat” SDP Yangiariq tuman Kengashi raisi.