Oʻzbekistonning barcha aholi punktlarida harakat tezligi 60 km/soatga tushiriladi

2023-yil 1-iyundan boshlab, nafaqat shaharlar va ulardagi markaziy koʻchalar, balki umuman aholi yashaydigan har qanday joyda transport vositalarining harakatlanish tezligi 70 km/soatdan 60 km/soatga tushirilishi kutilmoqda. Bu – davlat dasturi loyihasiga kiritilgan.

Aksariyat izohlarda foydalanuvchilar aholi punktlarida harakat tezligi 60 km/soatga tushirilishini tanqidiy qabul qilishgan. Biroq tanganing ikkinchi tomoni ham bor. Tezlik qancha kam boʻlsa xavf darajasi ham shunchalik pasayadi. Shu kungacha sodir bolgan yo’l trahsporti halokatlarining katta qismi  tezlilik  natijasida sodir bo’lgan. Mashina boshqaruvidagi odam haydovchilik borasida koʻnikmalari qanday boʻlishidan qatʼiy nazar tezlik meʼyordan yuqori boʻlgan xollarda sodir boʻlishi mumkin avariyalarni oldini olish imkoniyatlari shunchalik kamayadi. Shu nuqtai nazardan Ichki ishlar vazirligi, Adliya vazirligi Davlat dasturi loyihasiga kiritilgan transport vositalarining aholi punktlarida harakat tezligini 70 km/ soatdan, 60 km/ soatga tushirish masalalarini eng avvalo fuqarolarimiz xavfsizligini oʻylab qabul qilinayotgan qaror sifatida eʼtirof etish mumkin. Bunday choralar birinchi navbatda yoʻllarda sodir boʻlayotgan ayanchli holatlar, odamlarning oʻlimi bilan bogʻliq hayot-mamot masalasiga  dahldorligi  bilan yanada ahamiyatlidir. Shu bilan bir qatorda, yoʻl harakati qoidalari buzilishi holatlarida jarimalar miqdorini belgilash tartibi ham yoʻl harakati qoidalari buzilish holatlarini keskin kamaytirishga xizmat qiladi. Yurtdoshlarimiz orasida oʻz shaxsiy avtomashinasiga ega boʻlgan yoki boshqa holatlarda maʼlum transport vositalarini boshqaradigan odamlar juda koʻp. Biroq, ularning hammasi ham yoʻl harakati qoidalari va uning ortidan bajarilishi shart boʻlgan maʼmuriy javobgarlik toʻgʻrisida toʻliq maʼlumotga ega emas. Bu esa muammolarning kelib chiqishiga sabab boʻluvchi eng asosiy omillardan biridir. Transport boshqaruvchilarining yoʻl harakati qoidalarini buzganlik uchun toʻlanadigan jarima va javobgarliklar toʻgʻrisida toʻliq maʼlumotlardan boxabar boʻlishlari bu bir qancha muammolarni bartaraf etilishiga zamin yaratadi. Vaholanki, sogʻlom fikrli hech bir inson koʻra-bila turib oʻz moddiy taʼminotiga qasddan ziyon yetkazishni istamaydi. Boisi, jarima miqdorini koʻrgan va bilgan haydovchilar kamdan-kam hollardagina qoidabuzarlikka yoʻl qoʻyadi. Bu esa oʻz-oʻzidan yoʻl harakati qoidalari buzilishi holatlarini keskin kamayishiga sabab boʻladi.

“Adolat” SDP faollari mamlakatda Konstitutsiya va qonunlar ustuvor boʻlishi, qonunlarning xalqchilligi, hayotiyligi va toʻgʻridan-toʻgʻri amal qilishi ustidan parlament va jamoatchilik nazorati oʻrnatilishi, bu borada vakillik organlari demokratiyaning haqiqiy maktabiga, islohotlarni amalga oshirishda tashabbuskor va hal qiluvchi kuchga aylanishi kerak degan tamoyillar asosida shaharlar va ulardagi markaziy koʻchalar, balki umuman aholi yashaydigan har qanday joyda transport vositalarining harakatlanish tezligi 70 km/soatdan 60 km/soatga tushirish taklifini har tomonlama qoʻllab-quvvatlaydi. Zotan, inson hayoti muqaddas. Shu nuqtai nazardan inson hayotiga daxl qiluvchi, xavfsizligiga putur yetkazuvchi har qanday omillarni qonun bilan tartibga solish davlat oldida turgan eng ustuvor vazifadir.

"Adolat"SDP Matbuot hizmati